Neste blogue amosaranse " Retrincos " da aula de Lingua e Literatura galega e tamén " Cousas " da nosa Galicia.

A LER !

                                              
                       



                                                   3º de ESO
A nosa cinza, de Xavier Alcalá

"Unha novela sobre o paso da infancia á adolescencia onde resulta doado identificarse co protagonista. Na Galicia da posguerra Xoán vai madurecendo. Xunto a el pasamos da primeira infancia ao ingreso na Universidade, e vivimos as experiencias vitais do protagonista e os acontecementos sociais que lle tocou vivir. A experiencia cotiá feita literatura. Unha novela de iniciación que se atopa entre os libros máis lidos polos adolescentes galegos."













                                               3º de ESO

A esmorga , de Eduardo Blanco Amor


A novela narra a esmorga de tres personaxes, Cibrán o Castizo, Xanciño o Bocas, e Aladio Milhomes, que botan de bebedela un día enteiro e mais a súa noite, e que rematará co falecemento de dous deles e o axuizamento do terceiro.
A trama desenvólvese na cidade de Auria, trasunto de Ourense, con diversas referencias a espazos ourensáns reais. As 24 horas da esmorga transcorren en inverno, durante unha xornada de choiva, frío e xeada.





3º de ESO 



Alexandra , de Lola Gándara

 Todo comezou coa desaparición de Alexandra, unha noite de concerto. Ao tentar atopala, descubrín ata que punto influíra na miña vida e na dos meus amigos. Pero en cada un de nós, Alexandra era diferente e non tiña nada que ver coa rapaza que pasou con nós unha tempada. Tentei descubrir o misterio da súa desaparición e dei cunha historia do pasado que me deixou abraiada. Como dixo na clase a profesora de literatura: «A forza da traxedia está na desmesura das paixóns e no destino tráxico dos protagonistas. Non poden eludilo, son vítimas e verdugos».














                                                   Adultos

O cabo do mundo , Xabier Quiroga

«Que farías se non che quedase nada de vida?» Esta é a pregunta á que se dispón a responder un profesor diagnosticado de cancro terminal. Comeza así a súa procura do esencial da vida, unha investigación centrada en dúas teimas do pasado relacionadas co seu pai e coa muller que sempre amou. A urxente busca de si mesmo achegarao sen remisión ao cerne dun segredo amoroso e duns cruentos e agochados sucesos da represión franquista levada a cabo polas «brigadas do amencer» nas ribeiras Miño.






Ningún comentario:

Publicar un comentario